Пүрэвээ Хоолны Хичээл №1

Цагаан лууван чинжүүний салад

Орц: 1 хүний порцоор

1. Цагаан лууван - 120гр
2. Чинжүү шар - 25гр
3. Чинжүү улаан - 25гр
4. Чинжүү ногоон - 25гр
   
5. Сонгино - 20гр
6. Лимон - 1ш
   
7. Самрын тос - 10гр
   

Хийх дараалал:

1. Цагаан луувангаа угааж хальслаад, 3 төрлийн амтат чинжүүгээ цэвэрлэж чинжүүний дотор талын зузаан хэсгээс өөлж авна.


2. Дараа нь бүтээгдэхүүнүүдээ нарийн савхан хэлбэртэй хэрчинэ. Бүх бүтээгдэхүүнийг нийлүүлж хутгаад гүнжидийн тос, нимбэгний хүчил, давс, элсэн чихэр, сонгиноор амтална. Бэлэн болсны дараа нимбэгээр чимэглэж өгнө.

Загасны махтай тунгалаг шөл

Орц: 1 хүний порцоор

1. Загас - 100гр
2. Лууван - 30гр
3. Бөөрөнхий сонгино - 100гр
4. Яншуй - 1 боодол

Хийх дараалал:

1. Загасаа хайрс болон гэдэс дотроос нь салган сайтар угааж цэвэрлэнэ. Бүхлээр нь чанаж шөл гаргана. Шөл гаргах явцад хөөс болон нитгэлийг сайтар хамж авна.


2. Дараа нь загасаа яснаас нь салгаж дөрвөлжин хэлбэртэй хэрчинэ. Хайруулын тавганд ургамлын тосоо хийж халаагаад сонгино луувангаа хуурна. Бэлдсэн загасны шөлөндөө хуурсан сонгино, лууван, загасны махаа хийж буцалгана. Давс, перец бага зэргийн загас амтлагчаар амтална. Бэлэн болсны дараа яншуй цацаж өгнө.

Загас ногооны үелэг

Орц: 1 хүний порцоор

1. Загас - 250гр
2. Лууван - 80гр
3. Хулуу - 80гр
4. Вандуй - 50гр
5. Чинжүү - 50гр
6. Будааны крокет - 300гр
7. Эрдэнэ шиш - 1ш
8. Лимон - 30гр
9. Сухар - 1ш

Хийх дараалал:

1. Загасаа хайрс болон гэдэс дотор яснаас нь салган сайтар угааж цэвэрлэнэ. Загасны махаа давс, хар перец, нимбэгээр амтална.


2. Дараа нь шар лууван, хулуугаа угааж цэвэрлээд нарийн савхан хэлбэртэй хэрчинэ. Хайруулын тавганд ургамлын тосоо хийж халаагаад сонгино, лууван, хулуугаа хуурна. Давс, хар перецээр амтална. Бэлдсэн загасан дээрээ хоёр төрлийн ногоогоо жигд зулж өгнө.


3. Загасны мах, ногоо, загасны мах гэх маягаар үелэж тавина. Шарах шүүгээнд 150-160*t 20-25 минут шарна. Шарах явцад гарсан шүүс буюу тосоор нь түрхэж өгнө.

Музе

Орц: 1 хүний порцоор

1. Тараг - 100гр
2. Сүү - 100гр
3. Жүрж - 40гр
4. Гадил - 40гр
5. Лимон - 30гр

Хийх дараалал:

1. Жүрж болон гадилаа хальс буюу үрнээс нь салган угааж цэвэрлэнэ.


2. Жүрж болон гадилаа цахилгаан холигчинд хийж холино. Холих явцад сүү, тараг, лимоны шүүс зэргийг хийж өгнө. Бага зэргийн элсэн чихэр хйиж болно.
   

Батжаргал Хоолны Хичээл

Хоолны хичээл №1

Ceaser салад

Орц: 1 хүний порцоор

1. Буйцаа - 150гр
2. Талхны хатаамал - 50гр
3. Самарын тос - 30гр
4. Сармис - 10гр
5. Лимоны хүчил - 5гр
6. Элсэн чихэр - 10гр
7. Давс - 5гр

Хийх дараалал:

1. Буйцаагаа сайтар угаагаад усыг нь шавхана. Тэгээд гүнжидийн тосондоо сармис, сонгино, давс, элсэн чихэр, лимоны хүчлээ хийж найруулаад бэлдэнэ.
2. Дараа нь бэлдсэн амтлагчаа навч руугаа хийж амтална. Хамгийн сүүлд талхны хатаамалаа нэмж сэгсэрнэ.

Вандуйны зутан шөл

Орц: 1 хүний порцоор

1. Вандуй - 200гр
2. Масло - 30гр
3. Гурил - 50гр

Амтлагч шөлөнд:

1. Ясны шөл - 300гр-500гр
2. Хар перец - 10гр
3. Цөцгий буюу сүү - 50гр

Хийх дараалал:

1. Вандуйгаа лаазнаас аваад шүүж машиндана. Ясны шөлөө урьдчилан бэлдэж авна. Угааж цэвэрлэсэн вандуйгаа хуурна. Тэгээд ясны шөлөө шүүж дээр нь хийнэ.
2. Дараа нь 5-10 минут буцалгаад амтлагчаа хийнэ. Хамгийн сүүлд цөцгий буюу сүүгээ хийж буцалгаад бэлдэх. Мөн петрушкагаа болон хар перецээ хийнэ.
3. Ингээд аягалаад дээрээс нь шарсан талхны хатаамалаа 4-6ш хийж идэхэд бэлэн болно.

Үхрийн гол махан стек

Орц: 1 хүний порцоор

1. Үхрийн гол мах - 300гр
2. Давс - 5гр
3. Сармис - 10гр
4. Ургамлын тос - 10гр

Хийх дараалал:

1. Үхрийн гол махаа 300гр-аар таслан хуваагаад махныхаа ширхгийг нь босоо зориулалтын алхаар 2 см-ийн зузаантай болтол 2 талаас нь жигд давтана. Ингээд давтсан махныхаа 2 талд нь давс, перец, сармис түрхэж амтлаад бага зэргийн тос түрхээд хавсарч амраана.
2. Дараа нь сайтар халаасан хайруулын тавган дээр 2 талыг нь ээлжлэн гүйцэд болтол нь шарна. Шарах явцдаа вино нэмж шарвал амттай, зөөлөн шүүслэг болно.

Амтлагч хачирт нь:

1. Лууван - 50гр
2. Эрдэнэ шиш - 30гр
3. Вандуй - 50гр
4. Салатны навч /жижиг/ - 1ш
5. Сонгино - 20гр

Хийх дараалал:

1. Лууван, вандуйгаа чанаж болгоно. Тэгээд шоо дөрвөлжин хэрчээд сонгинотой хамт маслоор шарна.
   
2. Дээрээс нь ногоо амтлагч вигор нэмж болно. Хамгийн сүүлд эрдэнэ шишээ нэмж өгөөд стектэйгээ хачирлаж порцлоно.